Text:لما بافكر في الشمس والنجوم
Author:آن ألفريد

1081. لما بافكر في الشمس والنجوم

1- لما بافكر في الشمس والنجوم
السما والأرض الهوا والمية وكل الكون
مش باقدر أفهم إزاي دُول صُنع ايديك
بأمرك الكل صار وأصبح ليك
لكن الأصعب فهمه إزاي بتبُص ليّ
إزاي بكل عظمتك دي بتفكر فيّ
شايف كل لحظة وساعة بتمر بيّ
وفي وسط كل الناس عينك عليّ

القرار-
أنا أبقى إيه أنا أبقى مين
عشان إله الكون يعرفني
أنا واحد من الملايين اللي عايشين
اخترت تشوفني وتميِّزني
مش لأي حاجة فيّ
لكن علشان حبك عظيم بتحبني

2- لما بابُص لنفسي وأشوف كل اللي فيّ
باخجل آجي عندك باخاف تِقسى عليّ
حاولت كتير أتغير قبل ما آجلي ليك
نسيت إن عندك وحدك التغيير
دايما بانسى إن غفرانك مالوش حدود
وعشان حبك ليّ بس أنا ليّ وُجود
أنا ماستاهلش أعيش حياتي عند رجليك
وإنت بتُطلب مني أبقى إبن ليك

Text Information
First Line: لما بافكر في الشمس والنجوم
Title: لما بافكر في الشمس والنجوم
Author: آن ألفريد
Refrain First Line: أنا أبقى إيه أنا أبقى مين
Language: Arabic
Publication Date: 2013
Tune Information
(No tune information)



Suggestions or corrections? Contact us