The Cyber Hymnal ‎#13420

13420. Dyma Feibel Annwyl Iesu

1 Dyma Feibil annwyl Iesu,
Dyma rodd deheulaw Duw;
Dengys hwn y ffordd i farw,
Dengys hwn y ffordd i fyw;
Dengys hwn y golled erchyll
Gafwyd draw yn Eden drist;
Dengys hwn y ffordd i’r bywyd
Trwy adnabod Iesu Grist.

2 Feibil gwerthfawr! caiff dy eiriau
Gartref yn fy mynwes i;
Mae bendithion myrdd myrddiynau
Yn dy addewidion di;
Bu fy nghalon dlawd yn crwydro
Mewn anialwch sych a gwyw;
Nes i ti fy nhywys trwyddo
At geulannau afon Duw.

3 Cuddiaf d’eiriau yn fy nghalon—
Gwnaf yn ddyfnach nag erioed;
Byddi’n llewyrch i fy llwybrau,
Ac yn llusern i fy nhroed;
Cyfaill fyddi ar y ddaear
Erys drwy fy oriau brau;
Yn y nef am dragwyddoldeb
Bydd dy drysor yn parhau.

Text Information

• First Line: Dyma Feibil annwyl Iesu
• Title: Dyma Feibel Annwyl Iesu
• Author: Richard Davies
• Author: Thomas Levi
• Meter: 87.87 D
• Language: Welsh
• Copyright: Public Domain

Tune Information

• Name: MOUNT OF OLIVES
• Composer: Ludwig van Beethoven, 1770-1827 (arr.)
• Key: B♭ Major
• Copyright: Public Domain