اصنع بنا نهضتك ‎#703

703. ما فارقنيش أبدا

القرار-
ما فارقنيش أبدا أبدا
إحسانك ده ما فارقنيش
مِن وأنا لِسّه ف رحمالأم
الرحمة شالتني وما سابتنيش

1- مرة أتعبد مرة أتْسِند
مرة أتشدد وأنا ويّاك
والمرات التانية أما أبعِد
أرجع وألقاك مانسِتنيش
ما فارقنيش أبدا أبدا
إحسانك ده ما فارقنيش

2- وأما بالاقي النفس انهارت
تحت رَحاية شك وضيق
والنوم هارب مني أطالب
قلبَك وأصرح ماتسبنيش
ما فارقنيش أبدا أبدا
إحسانك ده ما فارقنيش

3- وأما اتحارِب وأنا في القارب
بالموجة وبالريح والخوف
وأبقى بانازع في هزيع رابع
تيجي تدافع عني أعيش
ما فارقنيش أبدا أبدا
إحسانك ده ما فارقنيش

4- دوَّب قلبي حنانك سيدي
وسابْني ما بين حمد وتسبيح
وأنا مِتّاخد مسبي وساجد
قدام حب مابْيِنتهيش
ما فارقنيش أبدا أبدا
إحسانك ده ما فارقنيش

Text Information

• First Line: مرة أتعبد مرة أتسند
• Title: ما فارقنيش أبدا
• Author: ماهر فايز
• Refrain First Line: ما فارقنيش أبدا أبدا
• Language: Arabic
• Publication Date: 2013

Tune Information

(No tune information)