M. B. Landstads Kirkesalmebog og "Nokre Salmar" ved Professor Dr. E. Blix, samt følgende tillæg ‎#708

708. Fred, det er eit fagert Ord

1 Fred, dit er eit fagert Ord,
Fullt av Ljos og Lukka
Fyr det Hjarta, som paa Jord
Saart i Strid maa sukka.
Fred fraa Gud i Barmen saar
Fell som Sol paa Engjer,
Skaper Liv og Von som Vaar,
Myrkret sunder sprengjer.

2 Fred paa Jord! so Englar song,
Daa vaar Frelsa dagnad.
Jesus gjenom Strid og Trong
Gav oss Fred og Fagnad.
Fred paa Jord det er hans Gjerd,
Ved hans Soning vunnen.
Fred med Gud i fredlaus Verd
Er ved honom funnen.

3 Naar i Sorg me sitja maa,
Sturande og trengde,
Herre Jesus, til oss sjaa
Gjenom Dyrrer stengde!
Anda paa oss, Frelsarmann,
So din Fred me smaka,
Den som Verdi ikkje kann
Giva elder taka!

4 Herre Jesus, høyr me bed
Her med Sukkar saare:
Kom og lys din sæle Fred
Inn i Hjarto vaare!
Lat ditt Ord so varmt og mildt
Ned i Hugen dala,
Gjera, Hjartat lognt og stillt,
Vaare Sorger svala!

5 Lat oss djupt i Hjartans Grunn
Sælt di Helsning kjenna,
Og ved Ordet av din munn
Lat vaart Hjarta brenna!
Lær oss tru, um ei me sjaa,
Tru og aldri tvila,
Til me eingong skoda faa
Mildt di Aasyn smila!

Text Information

• First Line: Fred, det er eit fagert Ord
• Author: Blix
• Language: Nynorsk
• Publication Date: 1897
• Topic: Hymns for the Church Year: First Sunday after Easter; Salmar til Kyrkjeaaret: 1. Sundag etter Paaske; Bønnen; Prayer; Første Søndag efter Paaske: Til Hoimesse; First Sunday after Easter: High Mass
• Notes: Tone: Sørg, o kjære Fader, du (L. 525)

Tune Information

(No tune information)