760. الكلمه منك مش أوهام

1- الكلمه منك مش أوهام
والوعد قلته ومش أحلام
الكلمه ثابته ووعدك حق
وانت على وعدك سهران
ما هو انت رب ومش إنسان
تقول وتوفي وليك سلطان
صادق أمين مش هاقبل شك
أصلك أمرت ومش ندمان

قرار:
جايين وواثقين إنك حي
موجود يا رب بنترجاك
ماسكين في وعدك إنك جاي
بجود عظيم للي استناك
موجود يا رب بنترجاك
إلهي حي بنستناك

2- رب الخليقه وكل الأرض
عندك مساند تدي ضمان
لو الجبال راح يوم تنهد
مش راح يزول عنا الإحسان
بالنعمه تسند ضعف القلب
وبكلمه تشفي من الأحزان
الخوف تقابله بغمر الحب
تزيله فيزيد الإيمان

3- الكلمه ثابته في كل زمان
حقيقه مع كتر الأوهام
وحتى لو للشك مكان
دي ليها وقت أكيد ها تبان
هضاب جبال وسهول وديان
كل اللي ها تدوسه الأقدام
ميراثي هاملك رغم الحرب
مغلوب عدوي ومِش شمتان

Text Information
First Line: الكلمه منك مش أوهام
Refrain First Line: جايين وواثقين إنك حي
Language: Arabic
Publication Date: 2007
Tune Information
(No tune information)



Suggestions or corrections? Contact us