رنموا للرب ‎#918

918. باكتب لك أيامي رسالة

1- باكتب لك أيامي رسالة
حب اهديها يا رب إليك
وارسم لك تسبيحي حكايه
هافضل اغنيها يا مليك
وانا مهما قدمت يا ربي
هافضل دايما ليك مديون
دا انت اتجسدت علشاني
وشلت كل الهموم
دا العمر منور بيك
والخير يملا ويفيض
وسرور في القلب أكيد
أمطار البركه تزيد

2- يا كوكب الصبح العالي
باعبد شخصك واسجد ليك
وباسبح اسمك يا غالي
دي النصره مضمونه فيك
يا واهب للزهره تيجان
والعصفور دايما شبعان
كل اسرار الكون في إيديك
يهتف لك قلبي فرحان
يا مهوب انا باخضع ليك
يا يسوع أنا حبي إليك
يا راويني بغمر عينيك
كل كرامه ومجد إليك

3- أيام معدوده وهاقابلك
زمن الغربه خلاص ها يغيب
روحي ها تتمتع وانا قربك
وانا شايف صورتك يا حبيب
أنا ضامن في سماك مكان
بيتك صار ليَّ عنوان
توهبني أكاليل وتيجان
واتهنى برب الأكوان
أنا هافضل مستنيك
دا مجيئك ليَّ قريب
وعينيّ تكون في عينيك
يا لفرحة قلبي بيك

Text Information

• First Line: باكتب لك أيامي رسالة
• Language: Arabic
• Publication Date: 2007

Tune Information

(No tune information)