TTT-Himnaro Cigneta ‎#13

13. Al la Patro Dia

1. Al la Patro Dia venu koro nia.
Preĝu kun humilo al li;
laŭdu lin kaj gloru, servu kaj adoru —
montris li kompaton por ni.
Ĉiam pli tie ĉi
sonu danko nia al la Patro Dia!

2. Nun al la Savanto per feliĉa kanto
danku ni sincere el kor':
donis li liberon, lumon kaj esperon,
malgajecon pelis li for.
Do kun ĝojo sur la vojo
levu ni la kanton, laŭdu la Savanton!

3. Sankta Dispirito! Venu laŭ invito,
en la koro loĝu ĉe ni.
Restu tie ĉiam, lasu nin neniam,
ke ni daŭre plaĉu al vi.
Helpu nin glori vin;
Venu laŭ invito, Sankta Dispirito!

Text Information

• First Line: Al la Patro Dia venu koro nia
• Title: Al la Patro Dia
• English Title: God is in His temple
• Translator: Montagu Christie Butler
• Author: William T. Matson
• Language: Esperanto
• Topic: Trinity
• Source: Himnaro Esperanta, 5th ed., #21

Tune Information

• Name: ARNSBERG
• Composer: Joachim Neander (1680)