كنت في الماضي أثيم

1- كنت في الماضي أثيم
أعيش مع الأشرار
مشيت في طريق أليم
وشربت انا المرار
وقابلني يسوع محبوبي
وطهرني من كل ذنوبي
وقال "جاهد واسهر
خليك في انتظار"

قرار:
يسوع أنت إلهي لا أعبد سواك
أنت عزي وجاهي أفراحي معاك
وحبيتني محبه أبديه
ونجيتني من كل خطيه
وجاي تاني تاخدني
واكون في سماك

2- حبيبي يسوع هناني
وقال "يا ابني مبروك
ما فيش أحزان تاني
دا اسمك مكتوب فوق"
يا عزايا أحزان ما فيش
يا هنايا في السما هاعيش
شكرًا لك يا ربي
دايما إنت شفوق

3- هايجي الحبيب
حسب قول الكتاب
في مشهد عجيب
وسنخطف ع السحاب
وها نلبس أجمل تيجان
وها نجلس في أحلى مكان
وها نفرح في السما
مع كل الأحباب


Source: رنموا للرب #365