المجد والغنى والعظمة

1- لما انفتحت جوّه في قلبي عيون النور
مَلى عيني جمالُه وبهاؤه اللي كان مستور
وسمعت قلبي لما لساني ما قالش كلام
وبعدها انفتحت في كل كياني وِدان

القرار-
المجد والغنى والعظمة حوالين كرسيك
وتيجان عظماء مطروحة عند قدميك
والكل بيهتف ويسبح ويقول قدوس
الحمل الراعي اللي نقشنا على كف ايديه

2- العدو قد تم خرابه وبيته مهدوم
والرب الجالس فوق عرشه جعلّه حدود
وعديم القدرة بقى قادر بصليب يسوع
يعمل أعمال سيده الغالب وعدّي سدود

3- وملايكة ألوف ربوات واقفة ترفع تسبيح
شاروبيم صاروفيم بأجنحة ستة تهتف بمديح
قدوس قدوس رب الصباؤوت ملك الملوك
السما والأرض بتعظم دم الذبيح

4- يا يسوع إنت الطريق والحق والحياة
والخبز النال من السما ومافيش في غناه
وإنت اللي أتيت وكمان الآتي رب الأرباب
وجلست وهتجلّسنا في مجد مافيش في بهاه


Source: اصنع بنا نهضتك #985