لولا يا ربي ما انت معانا

القرار
لولا يا ربي ما انت معانا
ما كناش نعيش لحظات
لولا حبك لينا يا ربي
كان زماننا ولَّى وفات

1- لولا الحربه لولا التاج
تاج الشوك اللي أعياك
لولا صليبك لولا دماك
ما كنا عشنا ولا شفناك

2- لولا كلامك اللي بيشفي
اللي بيحيي من الأموات
كان القبر حيبقى طريقنا
كان الموت حيبقى ميراث

3- لكن ربي لما لقيتنا
لما لقيتنا في الظلمات
حالاً قلبك حنّ علينا
بكل محبه وكل أناة

4- بالإيمان ربي هانوصلك
بالإيمان ربي هانرضيك
تبقى حياتنا ملك لشخصك
تبقى حياتنا ملك إيديك


Source: تسابيح الرجاء #75