وانت بترعى بحب قطيعك

قرار:
وانت بترعى بحب قطيعك
دايما عينك ربي علِيه
وبتهديه بمهارة إيدك
وتسيِّج دايما حواليه

1- أبدًا أبدًا ما تسيب إيدي
دا انت تملِّي ماشي معايا
وكل ما أدعوك ربي في ضيقي
تجي وتبقى سند وحمايه

2- حتى في ضعفي بتنجيني
وتشيلني فوق الأكتاف
وفي يوم الشر تخبيني
وتقول لي "أبدًا ما تخاف"

3- قلبي يقدم كل كلامه
حمد وشكر إليك وصلاه
وبيهدي لك طول أيامه
حبه وبيترجمه لحياه


Source: رنموا للرب #94