وسط ظروف البلد

وسط ظروف البلد الدايرة

Author: Ramez Ishaq رامز إسحاق
Published in 1 hymnal

Representative Text

1- وسط ظروف البلد الدايرة
رايحة لفين أهي ماشية وسايرة
كل الناس قلقانة وحايرة
وأنا مِتصان فيها ومتطمِّن

القرار-
أنا مِتصان فيها ومتطمّن
أصل إلهي عليها مهيمن
يِحصَل مهما هيحصل فيها
أنا متشال في عينيه ومتأمِّن

2- أخبرا قتل وموت وجريمة
والأمان بقى موضة قديمة
والإنسان أصبح بلا قيمة
وأنا بدم يسوع مِتَّتِّن

3- ضربة من ضرباته زمان
صارت الضلمة في كل مكان
وبيوت شعبه ف نور وأمان
قلبه على شعبه بيتحنن

4- مين يمسكها ومين يرأسها
لو حتى هيعيد تأسيسها
مش هاشغل بالي ولا أدرسها
ولا هافضل أفكر وأخمِّن

5- هو بإيده ماسك الدفة
وما عندوش أحداث بالصدفة
مهما عدو الاخير يتخفّى
الترتيب من فوق مِتزَمّن

6- هو نوري وخلاص ليّ
هو حصني ف طول لياليَّ
مين يأذيني ويقوى عليِّ
لو حتى في هلاكي يِفَنِّن

7- يعزل ملوك وينصَّب غيرها
والأزمنة هو يغيرها
لو قال كلمة مين يكسَرها
واللي يفكر يبقى اتجِنِّن

8- بلدي مُباركة ده صوته ووعده
وقت الضيق هيعدِّي وبعده
جاي المجد بفرحة وسعدُه
واللي مصدق وعده يِأمِّن


Source: اصنع بنا نهضتك #635

Author: Ramez Ishaq رامز إسحاق

رامز إسحاق Go to person page >

Text Information

First Line: وسط ظروف البلد الدايرة
Title: وسط ظروف البلد
Author: Ramez Ishaq رامز إسحاق
Language: Arabic
Refrain First Line: أنا متصان فيها ومتطمن

Instances

Instances (1 - 1 of 1)
Text

اصنع بنا نهضتك #635

Suggestions or corrections? Contact us



Advertisements


It looks like you are using an ad-blocker. Ad revenue helps keep us running. Please consider white-listing Hymnary.org or subscribing to eliminate ads entirely and help support Hymnary.org.