رنموا للرب ‎#758

758. يا إلهي يا اللي بموتك

يا إلهي يا اللي بموتك
عني صنعت لي فداء
وبدم بيجري من جنبك
عني سترت لي الداء
أنا عايز أشكر
أنا عايز أشكر
أنا عايز اقول إن الأحمال
كانت بتهد كياني
لكن انت بموتك عني
حملت الأحمال عني يا غالي
وكسرت قيود ومنحت دواء
ووهبت شفاء غير أي شفاء
وكسيتني رداء البر
بدل التوب البالي
أصبحت الإبن الحر
لما تغير حالي
ووعدت وعود
وعدت تاني تعود
آمين يا حبيبنا تجينا
ولقانا معاك على المينا
ها يعوض صبر سنين
ها يعوض طول ليالينا
أنا عايز أشكر
أنا عايز أشكر
أنا عايز اقول حبك
لينا كان هو الانتصار
على شر كتير وطريق أحمال
كنت انت الغلبه يا بار
شكرا يا حبيبي يسوع
شكرا يا حبيبي يسوع

Text Information

• First Line: يا إلهي يا اللي بموتك
• Language: Arabic
• Publication Date: 2007

Tune Information

(No tune information)