تسابيح الرجاء ‎#276

276. ماشي معايا إللي فداني

1- ماشي معايا إللي فداني
مش ممكن أبداً ينساني
مالي حياتي هتاف وأغاني
ووعَد ييجي قرِّيب تاني
ووعَد ييجي
قريِّب تاني

2- ميت كنت عطاني حياة
أصبح قلبي بيت لله
ديني كبير هو اللي وفاه
هاقضي حياتي لمجده صلاة
هاقضي حياتي
لمجده صلاة

3- لما عدوي ييجي يحارب
إما بمدح وإما تجارب
وسط الريح تملأني الراحة
طول ما معاي يسوع في القارب
طول ما معاي
يسوع في القارب

4- مين يقدر يفصلني عنه
مين يقدر يخطفني منه
فيَّ بيكمل روعة فنه
مهما يقولوا الناس ويظنوا
مهما يقولوا
الناس ويظنوا

5- إيه اللي أردُّه نظير غنى حبه
غير إني أفضل دايما جنبه
عايز أعلن رقة قلبه
علشان أخلي الكل يحبه
علشان أخلي
الكل يحبه

6- عهدي أجاهد طول أيامي
مهما اشتدت بيَّ ألامي
لازم يشهد عنه كلامي
لازم أبيِّن سر سلامي
لازم أبين
سر سلامي

Text Information

• First Line: ماشي معايا إللي فداني
• Language: Arabic
• Publication Date: 2000

Tune Information

(No tune information)