تسابيح الرجاء ‎#353

353. مش ممكن أبدا هاتعينا

القرار
محتاجين لك كلنا
مد إيدك ضمنا
إنت شايف إنت عارف
إنت كاشف ضعفنا
يا يسوع . يا يسوع

1- مش ممكن أبدا هاتعينا
من غير ما نجيلك بأثامنا
ونقول لك يا يسوع طهرنا
نعترف لك إحنا تعبنا
يا يسوع . يا يسوع

2- يعرفوا إيه الناس عن حالنا
لا إحنا منهم ولا هم منا
عن العالم كله اعزلنا
دا احنا شعبك وانت مليكنا
يا يسوع . يا يسوع

3- الشياطين نفسها تطعنا
والعالم يتمنوا ألامنا
وانت دايما بتضمنا نشكي ليه
ما دام إنت شايلنا
يا يسوع . يا يسوع

4- فيض بروحك إملا كيانا
من غير روحك يفنى إيمانا
مد إيدك أحي عظامنا
مجد إسمك علّي علمنا
يا يسوع . يا يسوع

Text Information

• First Line: مش ممكن أبدا هاتعينا
• Refrain First Line: محتاجين لك كلنا
• Language: Arabic
• Publication Date: 2000

Tune Information

(No tune information)