اصنع بنا نهضتك ‎#132

132. مش بيحتاج الأصحا لطبيب

1- مش بيحتاج الأصحا لطبيب
واللي من غير الجراح إنه يطيب
وانا محتاج رحمتك
وحضن محبتك
والقسوة اللي في كياني
تختفي بلمستك

القرار-
في قسوتي حنانك يبان
وفي ظلمتي حبك يسطع فيَّ
حبك يسطع فيَّ

2- مش بيحتاج البريء إنه يتوب
واللي من غير الخطا ستر العيوب
وانا ربي كسير
عشان ذنبي كبير
ويا رب اللي ييجي لك
مستحيل يفضل أسير

3- ربي تعال املاني
بالروح وهز كياني
صحي أشواقي تاني
وارفع إليك تسابيح
بدموعي باترجاك
متعني برؤياك
أنظر إليك في سماك
يا سيدي المسيح

Text Information

• First Line: مش بيحتاج الأصحا لطبيب
• Title: مش بيحتاج الأصحا لطبيب
• Author: منال سمير فريد
• Refrain First Line: في قسوتي حنانك يبان
• Language: Arabic
• Publication Date: 2013

Tune Information

(No tune information)