Text:دايما واخد بالك منا (كتر خيرك)
Author:رمزي بشارة

147. دايما واخد بالك منا (كتر خيرك)

1- دايماً واخد بالك منا
وبتُحرُسنا وتأمِّننا
إنتَ وجودَك بيطَمننا
ويَّاك لا نخاف وَلا نِتهَدِّد
وعنيك طول العمر علينا
وحامينا وبتعتني بينا
وِعَشان إنتَ موجود فينا
الأحزان بتسيبنا وتِبعِد

القرار-
عايز أقولك كَتَّر خيرَك
ده مافيش زَيَّك ومافيش غيرَك
عايز أقولَك كَتَّر خيرَك
يايسوع ياحبيبي مافيش غيرَك
دايماً بِمَحَبَّه تِعامِلنا
مَهما عمَلنا بتستَحمِلنا
ياما كتير قَوى عنَّك مِلنا
وبننساك وإحنا ف تَفكيرَك

2- بتحِبِّني أكتَر ما باحِبَّك
وأبعِد بَس مكاني ف قَلبَك
واما أرجَعلَك تفتَح حُضنك
أعند وأبعد وأرجع تِغفِر
شلت صليبي كأنّه صَليبك
وانا لِسَّه بابْعِد وباسيبَك
عايز أقَدَّر إنِّي حَبيبك
خلِّيني أبطَّل أخون وأغدُر

Text Information
First Line: دايما واخد بالك منا
Title: دايما واخد بالك منا (كتر خيرك)
Author: رمزي بشارة
Refrain First Line: عايز أقولك كتر خيرك
Language: Arabic
Publication Date: 2013
Tune Information
(No tune information)



Suggestions or corrections? Contact us