اصنع بنا نهضتك ‎#227

227. أنا ف انتظارك

1- أنا ف انتظارك يا ربي الأمين
وراكع باصلي وباطلب لمَصر
رجايا ف وعودك ده عبر السنين
يمينك بتصنع من الكَسر نصر

القرار-
خلاصك قريّب من خائفيك
ومجدك هيسكن في أرضنا
وشمسك هتشرق لمنتظريك
وتيجي وتصنع وعودك لِنا
أنا في انتظارك يا ربي الأيمن
في وسط الكنيسة وشعبك هِنا
معاهم باصلي ومستنين
حضورك في مصر بمجد وغنى

2- أنا في انتظارك وقلبي صِبِر
وإن الأرض نشفت وإن النهر جف
مصدق في إنك هتبعت مطر
ومستني أشوف غيمة قدِّ كف

3- أنا في انتظارك ومستني صبح
ونورك يبدد ظلام السنين
ورافع راياتك بحمد وبسبح
باعِد لمجيئك وباهتف أمين

Text Information

• First Line: أنا ف انتظارك يا ربي الأمين
• Title: أنا ف انتظارك
• Author: نبيل وصفي
• Refrain First Line: خلاصك قريب من خائفيك
• Language: Arabic
• Publication Date: 2013

Tune Information

(No tune information)