اصنع بنا نهضتك ‎#893

893. ما لم تر عيون

القرار-
ما لم ترَ عيون ولا سمعت بيه آذان
ولا أبدًا خطر عَلَـى قلوب البشر

1- يبدأ نوره ضعيف في القلب كأنه ضيف
نفتح يفتح ويضيف لما نطيعه إن أمر

2- ذكرنا فذكرناه وداومنا ع الصلاة
ودي منحة م الإله تيجي إن العابد صبر

3- ارتفعي يا أبواب ما خلاص شق الحجاب
ندخل على حساب دم الفادي اللي غفر

4- العزة والجلال والرحمة والجمال
في الحضرة والوصال داقه اللي عدى ونظر

5- ينظر لينا الحنون يسبي منا العيون
سره عند اللي يصون ونوره لعيون السهر

6- ما أحلى عيون الإيمان شايفاه بدون عيان
ما القلب له عرفان وبصيرة غير البصر

7- والساهر له أصيل يعلى نوره بالليل
بالفرح والتهليل تغنيه لو ليك افتقر

8- عرف روحي بالروح تسكن تفرح وتروح
وياك الكل يروح وإن شبع القلب انتصر

9- شفناك في محبيك وشفنا بيهم ما ليك
ومعاهم روحنا ليك لما النور فيهم ظهر

10- النور جوه الكتاب شايفاه عين اللي تاب
يصبح قلبه كتاب نورك في سطوره اتبدر

11- حررتنا من القيد نسجد لك أعظم سيد
وجهك نطلب ونريد مجدك وانت المنتظر

12- مالناش هنا في المنظور ومالهاش فينا لما تدور
(بيننا وا بينها سور مش بيننا وبين البشر

13- يا سيد الأسياد يا مطلوب العباد
مالنا راحة في بلاد إليك إنت السفر

Text Information

• First Line: يبدأ نوره ضعيف في القلب كأنه ضيف
• Title: ما لم تر عيون
• Author: ماهر فايز
• Refrain First Line: ما لم تر عيون ولا سمعت بيه آذان
• Language: Arabic
• Publication Date: 2013

Tune Information

(No tune information)