Text:رب المراحم بنجيلك
Author:بهجت عدلي

934. رب المراحم بنجيلك

1- رب المراحم بنجيلك
نسكب نفوسنا عيونّا عليك
نمسك في شخصك نناديلك
إرحم ده شعبك مستنيك
يا رب شعبك محتاجلك
إرسل كلامك وإشفينا
نسقط في يدك ونعودلك
نترجى رحمة تحيط بينا

القرار-
يا رب أفكارك لينا
صالحة وقصدك خير وشفاء
حتى إن سمحت إتذَلّينا
نرجع نردد لينا رجاء لينا رجاء

2- إنت اللي بتنجي من الموت
نجيت ودايما هتنجي
وفي التجارب لينا الصوت
كل التجارب هتعدّي
تسمع صراخ شعبك في الضيق
تنقذ واسمك يتمجد
تفضل ساندنا يا أقوى صديق
وعدك لشعبك يتجدد

3- إنت اللي حاسس بألمنا
لازم في وقتك هتجينا
إنت اللي شايف أتعابنا
وكل هم بيسبينا
إسمع يا سيد لصراخنا
إغفر وعُد لِنا وإحيينا
يا رب رجّع أفراحنا
إظهر مراحمك ورّينا

Text Information
First Line: رب المراحم بنجيلك
Title: رب المراحم بنجيلك
Author: بهجت عدلي
Refrain First Line: يا رب أفكارك لينا
Language: Arabic
Publication Date: 2013
Tune Information
(No tune information)



Suggestions or corrections? Contact us