كتاب الترانيم الرحية لكنائس النعمة الرسولية (الطبعة السابعة) ‎#58

58. جاي بذبيحة حمد

1- جاي بذبيحة حمد
باقدمها بقلبي الفرحان
جايب لحن في إيدي
وكلمة باقدمها بإيمان
جاي وباقدم ليك
م اللي في إيدك ليك
يا وطن الإنسان

القرار
علمني أقدم ليك تسبيح يرفعني إليك
وأكون كذبيحة حمد أنا بين إيديك

2- يا اللي اديتني حياتك حب
أنا باهدي حياتي إليك
حبك ساكن جوه القلب
وقلبي ساكن في إيديك
قلبي يغني أكيد
طول ما الحب يزيد
ويزيد الإيمان
يا وطن الإنسان

3- اسمك أ حلى أسامي الدنيا
وأحلى أسامي الكون
مجد لاسم يسوعنا الغالي
وللجنب المطعون
شمس الأرض تغيب
والنور يبقى صليب
راية الحق تبان
يا وطن الإنسان

4- ملك المجد واسمك عالي
وفإيدك السلطان
أمم الأرض وكل شعوبها
وكل ملوكها كمان
بكرة هل تسجد ليك
تخضع تحت إيديك
يا صاحب السلطان
يا وطن الإنسان

Text Information

• First Line: جاي بذبيحة حمد
• Refrain First Line: علمني أقدم ليك تسبيح
• Language: Arabic
• Publication Date: 2003

Tune Information

(No tune information)