كتاب الترانيم الرحية لكنائس النعمة الرسولية (الطبعة السابعة) ‎#70

70. قلبي بيهتف للي فدانى

القرار
غنوا معايا يا شعب الرب
تعالوا نرنم ليه
خلوا هتاف تسبيحنا يدوي
ويعلن نصرنا فيه
وليوم مجيئه نكون
شعبه اللي مستنيه
ومعاه هناك في سماه
نفضل نرنم ليه

1- قلبي بيهتف للي فدانى
بدمه على الصليب
روحي عقلي ويّا لساني
يعظموا أغلى حبيب
بسجود وحمد وعود
هامجد اسمه وأعليه
وفي ليل زمان الغربة
يفضل قلبي يرنم ليه

2- وسط الحرب ووقت الضيقة
بارفع قلبي إليه
وعده يثبت في إيماني
يخلينى أهتف ليه
دي قيود سجون وجيوش حروب
نكسرها بالتسبيح
لما بيعلا هتاف إيماننا
مجدا للمسيح

3- مجد الرب في وسط كنيسته
بنعلنه بالتسبيح
وبأصوات الحمد بنهتف
علّوا اسم المسيح
رافعين صليب الرب
ده إحنا بدمه مفديين
غالبين جنود الشر باسمه
ودايما منتصرين

Text Information

• First Line: قلبي بيهتف للي فدانى
• Refrain First Line: غنوا معايا يا شعب الرب
• Language: Arabic
• Publication Date: 2003

Tune Information

(No tune information)