رنموا للرب ‎#750

750. أفرح باللي وهبني حياته

1- أفرح باللي وهبني حياته
أفرح باللي صليبه فداني
واللي في دمه ستر لي عيوبي
من قلبي اهتف كل زماني

2- دا انا إسمي منقوش على كفه
وفي حدقة عينه مكاني
اللي فداني بدم ثمين
وعد إنه ها يرعاني

3- حتى ولو تكسرني خطيه
أو خوف على كل اللي ما لي
أو أيام بتضيق بيَّ
ربي يسوع ماسك بإيدي

4- ربي انا شايف شمسك جايه
رغم ظلام الليل في عينيَّ
شمسك خير وشفا وحريه
جودك ما له مثيل في الدنيا

5- أنا مطمن إني في إيدك
مش في إيدين إنسان
إنت أبويا وأغلى ما ليَّ
ضماني في الأيام

6- يا اللي رعايتك لي ملاذي
وفي قربك بالقى الأمان
إنت شافي لي جروح الماضي
وبحنانك طابت نفسي

Text Information

• First Line: أفرح باللي وهبني حياته
• Language: Arabic
• Publication Date: 2007

Tune Information

(No tune information)