رنموا للرب ‎#807

807. رغم اني قليل في عيني

قرار:
(غالي عليك ربي
أنا غالي عليك)
وغلاوتي مش فيّ
دي محبتك ليّ
خبيتني جوا قلبك
وشلتني في عينيك
غالي عليك

1- رغم اني قليل في عينيَّ
وضعيف قدام أي خطيه
وشعوري بالذنب ماليني
وحياتي فاتره ومطفيه
(والماضي عمال يطاردني
والناس حواليَّ بتبغضني)
وإبليس بذنوبي مقيدني
لكن ثقتي في حبك ليَّ
دا انا غالي عليك

2- رغم اني عاهدتك أرجع لك
لكني ما عدتش أنفع لك
خطايايَ وذنوبي تقيله
ومؤكد في جهنم هاهلك
(لا اديتك فرصه تكلمني
ولا في ظروفي الصعبه هاممني)
مع إن الموت قرب مني
وإبليس مش عايزني انده لك
دا انا غالي عليك

3- لكن صوتك جا وفوَّقني
والليله انا راجع صدقني
دي حياتي من غيرك تافهه
تعال لي ومن شري اعتقني
(اخلقني من تاني جديد
وارمي الماضي عني بعيد)
أنا م الليله واحد تاني
والفرح معاك ها تدوَّقني
دا انا غالي عليك

Text Information

• First Line: رغم اني قليل في عيني
• Refrain First Line: غالي عليك ربي
• Language: Arabic
• Publication Date: 2007

Tune Information

(No tune information)