TTT-Himnaro Cigneta ‎#223

223. Jen ĉiamviva Rozo

Jen ĉiamviva Rozo laŭ vorto de profet'
El la Jiŝaja ŝoso ekkreskis kun impet'.
Ĝi venis, hela Flor', en frida tempo vintra
Je noktomeza hor'.

Jesaja ĝin anoncis, la menciita Flor';
Maria ĝin responsis el patrin-ama kor'.
Ŝi naskis Rozon por klarigi Dian amon
Je noktomeza hor'.

Ĉi tiu milda Floro per sia dolĉ-arom'
Heligas per Digloro la vojon de la hom'.
Ja homo, tamen Di', ĝi ŝarĝojn malpezigas
Kaj homojn savas ĝi.

Text Information

• First Line: Jen ĉiamviva Rozo
• Translator: Ros' Haruo (1998)

Tune Information

• Name: ES IST EIN' ROS'