66. Ĉeestu, fiduloj, ĝojaj, triumfantaj

1. Ĉeestu, fiduloj, ĝojaj, triumfantaj,
Venu, ho venu vi al Betlehem'!
Vidu naskitan Reĝon de anĝeloj!
Vi estu adorata, Vi estu adorata,
Vi estu adorata, la Sinjor'.

2. Venas paŝtistoj pro anĝela kanto,
Ĉe stala trogo pie klinas sin;
Ankaŭ rapidu ni per ĝoja paŝo:
Vi estu adorata, Vi estu adorata,
Vi estu adorata, la Sinjor'.

3. Stele gvidite, donas la saĝuloj
Oron, incenson, mirhon nun al li:
Ni same donu amon kaj fidelon:
Vi estu adorata, Vi estu adorata,
Vi estu adorata, la Sinjor'.

4. Gloron eternan de l' eterna Patro
Vidas sub karno vualitan ni—
Dion-infanon, vinde envolvitan:
Vi estu adorata, Vi estu adorata,
Vi estu adorata, la Sinjor'.

5. Kristo, por ni kuŝanta sur la fojno,
Laŭdon kaj dankon ricevadu vi:
Al amo tia, kiu ne respondus?
Vi estu adorata, Vi estu adorata,
Vi estu adorata, la Sinjor'.

Text Information
First Line: Ĉeestu, fiduloj, ĝojaj, triumfantaj
Title: Ĉeestu, fiduloj, ĝojaj, triumfantaj
Translator: M. Milsom
Publication Date: 2009
Refrain First Line: Vi estu adorata, Vi estu adorata
Tune Information
Name: ADESTE FIDELES



Media
MIDI file: Adeste Fideles
More media are available on the tune authority page.




Advertisements