تسابيح الرجاء ‎#458

458. ابني حبيبي يا غالي علي

1- ابني حبيبي يا غالي عليَّ
ياللي بذلت حياتي عشانك
عايز قلبك يفرح بيَّ
عايز اشيلك فوق أحزانك

2- عايز أخرج كالنور برَّك
ويفيض زيَّ النهر سلامك
زيّ الشمس ما يسطع حقَّك
وعدي أحقق لك أحلامك

3- وبسلطاني منحتك قوه
تقهر فيها اعدائك
حتى في ضعفك كنت بصلِّي
للآب حتى لا يفنى إيمانك

4- وعدي لشعبي أنا وياك
قربي بحولك مجدي بوسطك
مجد سماوي بيستناك
وكنوز محفوظه بتنتظرك

5- فوق الموج حتخطِّي وتمشي
زيّ ما بطرس مشي على الميَّه
عايز افيض فيك عمق إيماني
إبني حبيبي يا غالي عليَّ

Text Information

• First Line: ابني حبيبي يا غالي علي
• Language: Arabic
• Publication Date: 2000

Tune Information

(No tune information)