1 Rvne Kalfvle hocefken
Esacemecvtes,
Mvn oh elecet omvtes
Pu Hesayecvhkvn.

2 ʼToh whelepkv escvkhehcet,
Tvkopvtayusen
Enke elyu ʼsetetayen,
Svrarahoyvtes.

3 Momof punayat mavtes,
"Cvrke em mervks,
Naken kerekot omakes:"
Kicet vtalkvtes.

4 Hvse vkerkv sepakat,
Mahe orofvhkvn,
Ekvnv yumtsket omvlʼ
Ayokkofkepvtes.

5 Hvse yumtsken, evnv
Nekeyen, cvttotis
Fvllahlen, hvse vkerkv
Tucenat oh lvttes.

6 Momof yekcen opunayat,
"Cvrke! cenke ofvn
Vm puyvfekcvn cem wikis,"
Kihcet; elepvtes.