Instance Results

Switch back to the old search page.Advanced Search

Showing 681 - 690 of 712Results Per Page: 10 20 50

Kvart Tre paa Frukti kjennast maa

Author: Blix Hymnal: M. B. Landstads Kirkesalmebog og "Nokre Salmar" ved Professor Dr. E. Blix, samt følgende tillæg #744 (1897) Topics: 8 Søndag efter Trefoldigheds Fest Til Hoimesse Lyrics: 1 Kvart Tre paa Frukti kjennast maa. Kann Klunger giva Druva? Og kann ein Mann vel Fiken faa Av Tornekvist paa Tuva? So maa den Tru, som sannrøynd er, Paa kristen Kjærleik kannast. Den Læra, du i Munnen ber, Maa i din Livnad sannast. 2 Det Tre, som ber den gode Frukt, Det Gud som godt vil kjenna. Men rotne Tre han kastar lukt Paa Elden til aa brenna. So lat daa, Gud, kvar Stund og Stad Mi Tru som Treet bløma Og ikkej syna berre Blad, Naar du ein Dag vil døma! 3 Den Mann, som læst paa Kristus tru Og ropar: Herre, Herre! Men ikkje vil fraa Syndi snu Og tena Herren berre Og alltid ærleg fara fram I heilagt Liv og Lydnad: Hans Tru er lik ein Saudeham, Som Ulven ber til Prydnad. 4 So gjer meg til di Grein, som ber Den gode, dyre Druva Og ikkje lik det Treet er, Som kastat vert i Gruva! Aa jesus, lat mi Tru seg te Som Sanning i min Livnad Og grønast som det gode Tre I evig Gror og Trivnad! Languages: Nynorsk

Gud, sjaa fraa Himmelen hertil

Author: Luther Hymnal: M. B. Landstads Kirkesalmebog og "Nokre Salmar" ved Professor Dr. E. Blix, samt følgende tillæg #745 (1897) Topics: 8 Søndag efter Trefoldigheds Fest Til Hoimesse Lyrics: 1 Gud sjaa fraa Himmelen hertil Og hjelp oss av din Naade! So faae her deg fylgja vil, Ditt Folk er stadt i Vaade. Ditt Ord i Verdi litet gjeld, Og Trui er som sloknad Eld. Myrkt ser det ut paa Jordi. 2 Med Lærdom rang paa Lygnarveg No renna mange Munnar; Dei semjast ikkje millom seg, Staa ei paa Gudsords Grunnar: Ein ropar det, ein Annan hitt Og villar oss med Mannavit Og Sannleiks fagre Læte. 3 Gud hjelpe daa den arme Jord Fyr all den range Læra! Dei tala og so store Ord: Kven vaagar mot oss vera? Me hava Rett, me hava Magt, Alt gjeld, naar me det hava sagt, Kven vil vaar Meister vera? 4 Daa segjer Gud: No upp eg maa Og deira Ovmod aga. Eg til mitt arme Folk vil sjaa, Som sukka maa og klaga. Mitt gode Ord skal ganga fram Og gjera Fienden til Skam, Men mine Arme styrkja. 5 Sjau Gonger Gull vert skirt i Glod, Og elden Sylv maa klaara: So skin Guds Ord med Gullglans god Igjenom Naud og Taara. Naar under Kross det rett vert røynt, Den kraft, som laag i Ordet løynt, So langt um Land skal lysa. 6 Gud, lat din Lærdom lysa rein Her i di kristne Kyrkja! Naar falske Andar gjera Mein, So lat ditt Ord oss styrkja! Statt upp, vaar Gud, aa halda Dom, Lat ikkje Lygn faa Raaderom, Guds Born til Sorg og Kvida! Languages: Nynorsk

Born av denne Verdi er

Author: Blix Hymnal: M. B. Landstads Kirkesalmebog og "Nokre Salmar" ved Professor Dr. E. Blix, samt følgende tillæg #746 (1897) Topics: 9 Søndag efter Trefoldigheds Fest Til Hoimesse Lyrics: 1 Born av denne Verdi er Sløgare enn Ljosens Søner: Verdi sine Likar løner Og seg dermed Vener fær. Men Guds Born so jamleg ganga I hans Ærend faavist fram: Naar dei der skal Vinning fanga, Verdi jamt deim gjerer Skam. 2 Sjaa, det er eit skilegt Krav, At ein Tenar tru maa vera Og sin Husbond Gagn maa gjera Med dei Gaavor, som han gav. Berre den, som trufast tener Herren her i stort og smaatt, Vinn seg i Guds Rike Vener Og fær Lovord av sin Drott. 3 Med det Gods, som Gud deg gav, Skal du her deg Vener vinna, Vener og i Himlom finna, Som velsigna deg i Grav, Som med Gleda mot deg taka I Guds Rikes ljose Bu; Der du skal den Sæl smaka, Som vert unnt Guds Tenar tru. 4 Dagen renn til Rekneskap, Daa deg Herren fram vil kalla: Tungt det vil den Tenar falla, Som sin Herre volde Tap. Der kvar Mann skal grannleg svar Herren fyr sitt Hushald her, Og kvar utru Tenar fara Vegen, som til Myrkret ber. 5 Var du tru daa i det smaa, Set han deg til større Æra: I hans Hus daa skal du vera, Med din Herre raada faa. Jesus, l'r oss stødt aa stræva, Trutt deg tena i vaart Kall! Lat oss so med deg i Æra Bustad faa i Himmelhall! Languages: Nynorsk

Ser du, Sion, Jesus græt

Author: Blix Hymnal: M. B. Landstads Kirkesalmebog og "Nokre Salmar" ved Professor Dr. E. Blix, samt følgende tillæg #747 (1897) Topics: 10 Søndag efter Trefoldigheds Fest Til Hoimesse Lyrics: 1 Ser du, Sion, Jesus græt, Han, som Livet fyr deg læt! Sjaa den Kjærleiks klaare Glans Tindrande i Taara hans! Sjaa, og bøyg deg djupt i Bot; Graat so du i Hjarterot! 2 Ja, du heve Grunn til Graat. Kved daa i med Klagelaat! Herrens Auga himmelklaart Fyr di Synd maa graata saart. Denne Graat kann grøte Stein: Upp til Anger, kvar og ein! 3 Sion, graat! Det er paa Tid: Enno Gud deg gjestar blid, Men han snart seg undan dreg, Skuuda, Sion, skunda deg! Kjenn i Dag di Gjestings Tid: Sjaa, ho alt til Ende lid! 4 Enn i Dag fyr deg er duld All hans Kjærleik all di Skuld, Naadens Sol, som straalar ned, Frelsaren, som byd deg Fred: Alt er fyr ditt Auga dult! Snart ditt Syndemaal er fullt. 5 Difyr græt din Felsarmann, For han ei deg frelsa kann, Han, som i sin Kjærleiks Glod Gjerna giv fyr deg sitt Blod, Han, som alt til Dauden dreg; Difyr græt han yver deg! 6 Sjaa, mitt Hjarta, Jesu Graat! Anger, gjer min Vange vaat! Aa min Frelsar, lat meg faa I din Graat din Kjærleik sjaa! Kjærleik din er Helsebot Fyr mi sjuke Hjarterot. Languages: Nynorsk

Gud, eg er ein syndug Mann

Author: Blix Hymnal: M. B. Landstads Kirkesalmebog og "Nokre Salmar" ved Professor Dr. E. Blix, samt følgende tillæg #748 (1897) Topics: 11 Søndag efter Trefoldigheds Fest Til Hoimesse Lyrics: 1 Gud, eg er ein syndug Mann, Full av Synd fra Havsens Sand! Fyr ditt Auga reint og klaart Kjenner eg mi Synd so saart. Ho meg yver Hovud stig, So eg under Byrda sig. 2 Ja, eg er ein syndar arm, Men av Naade brenn din Barm. Du vil ingen Syndars Fall, Men at alle Fallne skal Seg til deg fraa Syndi snu, Liva so ved kristi Tru. 3 So eg fell til Jesu Fot Ropande med Bøn og Bot: Eg ein usæl Syndar er, Aa min Gud, meg naadig ver! Skjend eg slær mitt Auga ned Og um Naade græt og bed. 4 Du, som vaare synder bar, Til ein Syndars Sukk veit Svar: Du eit Ord um Liv og Fred Andar i mitt Hjarta ned, Og i Tru paa dette Ord Gjeng eg heim rettferdiggjord. Languages: Nynorsk

Jesus Krist, du Naadens Kjelda

Author: Blix Hymnal: M. B. Landstads Kirkesalmebog og "Nokre Salmar" ved Professor Dr. E. Blix, samt følgende tillæg #749 (1897) Topics: 11 Søndag efter Trefoldigheds Fest Til Hoimesse Lyrics: 1 Jesus Krist, du Naadens Kjelda, Jesus Krist, du Livsens Ljos! Lat di Gjerning fyr meg gjelda, Ver mi Rettferd og mi Ros! Naar mitt Samvit vil meg saka, Og eg maa Guds Vreide smaka, Lær meg trygt aa tru ditt Ord, At eg er rettferdiggjord! 2 Naar meg Verdi vil misunna Og vil røva meg din Fred, Milde Jesus meg miskunna! Slaa all Tvil og Tvihug ned! Lat mitt Hjarta aldri missa Denne s"le Von og Vissa, At du med ditt dyre Blod Fyr mi Synd deg sagde god! 3 Og naar Satan vil meg styggja Burt ifraa din Naadestol Og med mine synder skyggja Fyr di klaare Naadesol, Lær meg daa med Tru og Tryggja Berre paa ditt Ord aa byggja, At du heve Satans Magt Under dine Føter lagt! 4 Naar eg ligg i Verk og Veika, Saar og mod av Livsens Strid, Lat ditt Ord i Hugen leika Som ein Sigers Bodskap blid! Naar eg graata maa og gruva, Send daa Anden ned som Duva Med det gode Bod fraa deg, At du Siger vann til meg! 5 Jesus Krist, du naadens Kjelda, Jesus Krist du Livsens Brunn! Kom til meg, naar det vil kvelda, Styrk meg i mi sidste Stund! Naar eg skal fyr Domen møta, Lat di Verdskyld fyr meg bøta, So eg ved di Rettferd maa Evigt Liv av Naade faa! Languages: Nynorsk

Lat deg upp, du bundne Munn

Author: Blix Hymnal: M. B. Landstads Kirkesalmebog og "Nokre Salmar" ved Professor Dr. E. Blix, samt følgende tillæg #750 (1897) Topics: 12 Søndag efter Trefoldigheds Fest Til Hoimesse Lyrics: 1 Lat deg upp, du bundne Munn, Lat deg upp, du dauve Øyra! Jesus byd, og same Stund Mannen tala kann og høyra. Og kvar ein, som Jesus faun, Sælt det Ordet sanna kann. 2 Syndar, du er denne Mann, Som er tung paa Hug og Øyra, Som vel Ljoden merka kann, Men Guds Ord daa ikkje høyra, So det gjer deg hjartevarm, Vekkjer Tru og Boni Barm. 3 Syndar, du er lik den Mann, Som er tungmælt paa si Tunga, Som ein Ljod vel giva kann, Men ei tala reint fraa LUnga. Naar Guds Ord til Hjartat gjeng, Ljodar fyrt den rette Streng. 4 Naar eit Ord av Jesu Munn Med si Magt ein Syndar møter, Ljodar inn i Hjartans Grunn Og den harde Hugen grøter: Daa hans tunga tala kann, Lova lydt sin Frelsarmann. 5 Effata! lat upp din Munn, Høyr Guds Røyst og honom prisa! Takka Gud or Hjartans Grunn Høgt med heilag Song og Visa! Lova Gud, som med si Røyst Heve Tungebandet løyst! 6 Jesus, kom du og til meg, Naar av Synd er tungt mitt Øyra, Tunga tagna vil um deg: Kom og lat ditt Ord meg høyra! Kom og seg du: Effata! So eg syng Halleluja! Languages: Nynorsk

Undarlege Ting me sjaa

Author: Blix Hymnal: M. B. Landstads Kirkesalmebog og "Nokre Salmar" ved Professor Dr. E. Blix, samt følgende tillæg #751 (1897) Topics: 13 Søndag efter Trefoldigheds Fest Til Hoimesse Lyrics: 1 Undarlege Ting me sjaa, Sælt det Auga og det Øyra, Som dei Ting kann sjaa og høyra Og i Sanning jenna faa! Herren yver Himmerike Er i Tenars Skapnad send. Som vaar Broder og vaar Like Synleg fyr vaar Tru han stend. 2 Det, som i Guds Hjarta laag, Det, som ingen Skapning gaadde, Det, som ingen Tanke naadde, Det, som inkje Auga saag, Det, som ingen Vismann visste, Det, som ingen Klok kom paa,– Synte Herren paa det sidste Fyre sine arme Smaa. 3 Her eg ser eit Visdoms Djup, Som eg ikkje med kann raada: Den, som ned i det vil skoda, Svimrar som paa bratte Stup: Ser ein skylaus Kjærleik stiga Fram or svarte Sky av Harm, Ser guds Fred og Sæla siga Ned i fredlaus Syndarbarm! 4 Kristi Dag, som Abraham Glad i Tru langt burte helsad Og ved denne Tru vart frelsad, Denne Dag no klaar steig fram: Dagen med den store Lovnad, Som Profetar stundad paa, Men i Herren inn dei sovnad, Fyrr dei fekk den Dagen sjaa. 5 Konungen, som David kvad Herleg um i sine Songar, Kongen yver alle Kongar, Herren Krist fraa Davids Stad, Sit no høgt paa Himmeltrona Ved Gud Faders høgre Hand. Heidningar paa honom vona, Syng hans Lov um alle Land. 6 Drottningi fraa Sudland for Langan Veg og vilde finna Salomon og Visdom vinna Ved aa lyda paa hans Ord. Her er større Ting aa læra, Her er meir enn Salomon: Her er Herren til Guds Æra, Her er Guds og Davids Son! 7 Enno lyser Dagen blid, Full av Sanning og av Naade Kom daa, alle Mann, og skode Ljoset her i Naadens Tid! Lat oss paa Guds time vara: No han kallar, lyd og høyr! Seg med Jakob: eg vil fara Av og sjaa deg, fyrr eg døyr! Languages: Nynorsk

All Verdi ligg i Vesaldom

Author: Blix Hymnal: M. B. Landstads Kirkesalmebog og "Nokre Salmar" ved Professor Dr. E. Blix, samt følgende tillæg #752 (1897) Topics: 14 Søndag efter Trefoldigheds Fest Til Hoimesse Lyrics: 1 All Verdi ligg i Vesaldom, Alt Liv det visnar burt som Blom, Kvart Hjarta saart maa sukka. All skapning lid og ligg i Verk, Men du, vaar Frelsar mild og sterk, Giv Lækjedom og Lukka. 2 Med Sorg og Sykjor uten Tal Me ganga her i Graatar-Dal Og etter Løysning stunda. Me lengta saart i Hjarte-Sut Aa koma vel or Striden ut Og heim til deg oss skunda. 3 I all den Verk og Vesaldom Du heve Raad og Hjarte-Rom Fyr alle deim, som lida. Fyr den, som ligg paa Sottarseng, Fyr den, som sjuk i Hjartat gjeng, Du lækjer Verk og Kvida. 4 Eg er ein sjuk og saarad Mann, Som ingen annan lækja kann, Enn du, min Gud og Herre! Den saare Sykja er mi Synd: Eg er so vond og illa lynd, Ja vond til Grunns, dess verre! 5 Eg er i Synd og Misgjerd fødd Og kunde aldri verta grødd Og vinne Von um Helsa, Um ikkje hit du vilde sjaa Og mildt meg leggja Hender paa: Aa Jesus, kom og frelsa! 6 I alt, som Hjartat lida kann, Du Jesus er ein velrøynd Mann: Mi Sott du heve boret. So stundar eg paa deg i Von Aa verta løyst fraa Trong og Tjon Og erva Barnekoret. 7 So vil eg venta paa din Veg Og ropa: Krist miskunna meg! Til du meg heim vil føra. Eg kjem til Naadens Kjelda fram Og ventar ved Bethesda Dam, Til du vil Batnet røra. 8 So ser eg deg, so vert eg glad! Daa ser eg Sol i Myrkers Stad Og Ljos i stengde Stova. So lat meg aldri gløyma deg, Men trufast fylgja paa din Veg Og alt mitt Liv deg lova! Languages: Nynorsk

Paa Gud aaleine

Hymnal: M. B. Landstads Kirkesalmebog og "Nokre Salmar" ved Professor Dr. E. Blix, samt følgende tillæg #753 (1897) Topics: 14 Søndag efter Trefoldigheds Fest Til Hoimesse Lyrics: 1 Paa Gud alleine Eg lit i Livsens Trid. Hans Ord det reine Veit Raad i rette Tid. Han alle Stader Meg fører fri og sæl, Alt, som meg skader, Han vender av so vel, Den gode Fader, Den Gud Immanuel. 2 For mine Lyte Tok Jesus med i Grav, Og meg i Byte Sin Barnerett han gav. Han vil og vera Min Styrke og min Skjold Og sæl meg gjera, Naar her eg sig i Mold, Og heim meg bera Til Livsens grøne Voll. 3 Lær meg med byrda Aa fylgia dine Bod! Ber du mi Byrda, Naar eg er utan Raad! Lat meg ei dragast, Naar Verdi frelstar meg! Men kor det lagast, So hald meg fast ved deg, Til dess det dagast, Og heim med Fred eg dreg! 4 Kom, Gud, og tala Di Trøyst inn i min Barm! Meg kjærleg svala, Naar Striden brenner varm! Til sidste Flaga I Stilla upp er løyst, Naar eg fær draga Fraa Trengsla upp til Trøyst, Og all mi Klaga Er vend til Sigersrøyst! 5 No, Jesu milde! Til deg mitt Hjarta snur. Eg gjerna vilde Alt vera, der du bur. Men du deg raade! Og naar min Time kjem, Løys du min Vaade Og gjer min Heimveg kvæm! Før meg av Naade Til ditt Jerusalem! 6 Lyst utan Like! Der kjem eg heim til deg I Himmerike, Dertil du korad meg. Der skal med Æra Eg kvila fraa min Strid Og med deg bera Den Sigerskruna frid Og so faa vera Med deg til evig Tid! Languages: Nynorsk