اللي دسنا الموت وياه

القرار
اللي دسنا الموت وياه
اللي عطانا الغلبه معاه
دا قام وأقامنا معاه
ومجيئه بنستناه
(يا فرحة قلوبنا بيه)

1- قوللي يا موت أشواكك فين
قوللي يا هاويه غلبتي مين
اللي غلبكم بيه غالبين
مهما يحصل وعده أمين

2- الحبيب الغالي نجانا
من حنانه فضل ويانا
وفي موكب نصرته ماشيين
بنرنم ونقول غالبين

3- ليه يا مؤمن دايما باكي
ليه يا كنيسه طبعك شاكي
اللي فداكي بروحه معاكي
دوسي بعز يسوع وياكي

4- وفي سحابه نكون طايرين
ها يغيرنا في طرفة عين
واللي أقامنا معاه رايحين
قول لي يا خاطي رايح على فين


Source: كتاب الترانيم الرحية لكنائس النعمة الرسولية (الطبعة السابعة) #178