إمسك في إيدي

القرار-
إمسك في إيدي وخذني من ضعفي التقيل
إرحمني واسمع لآهات نفسي وشيل
خذني معاك في طريق وكمل لي المسير
أنا عارف إني بنعمتك هاكون أمير

1- وسط همي بانطرح قدام صليبك
عارف إني مش هاكون إلا حبيبك
وآجي وانا كلي خجل أمسك في ثوبك
شايف عيون مكتفاني امشي في طريقك

2- وسط الظلام لقيت إيدين تتمدّلِي
تمسح دموعي وتشفي كل اللي انجرح
وانا كنت فاكر لسه وقت وتنجلي
ظلمة حياتي وأشوف وقت الفرح

3- عند الصليب مالي غير حبك وشوقك
وألف إيد تحنيني عايزاني أسيبك
وأجي وانا مليان رجاء إني حبيبك
وألمح حياتي وسيرتي واسمي منقوش في إيدك

4- يا يسوع باحبك إنت أغلى ما في الوجود
وأذبح مشيئتي وأمرك انت اللي يسود
وانا واثق إني في عينيك ماليش عيوب
علشان ده حبك ابتلع كل القيود


Source: اصنع بنا نهضتك #965