اتبناني رضي بي

القرار-
اتبنّاني رضي بيّ
واشتراني حن عليّ

1- بقالي في حضنه مكان
ونسيت أيام الحرمان
ده أهلى وعيلتي كمان
وراسمالي

2- ابن ليّ شأن كبير
أبويا يبقى القدير
إزاي أخاف أنا من الشرير
مهما جاني

3- نسّاني الماضي الأليم
خلّى لساني يقول ترنيم
غسّلني بدمه الكريم
وفداني

4- عوّض عن كل اللي راح
وضمّد كل الجراح
ويوماتي أعيش أفراح
وأغاني

5- تعالوا شوفوا يا ناس
يسوع إداني الخلاص
ماشي معاه مرفوع الراس
علّى مقامي

6- هاعيشلُه طول السنين
ابن خاضع وأمين
ولا أحيد عنه شمال ويمين
طول أيامي


Source: اصنع بنا نهضتك #1118