كتر أغانيك

كتر أغانيك يا مسافر إحنا في ترحال

Author: Maher Fayez ماهر فايز
Published in 1 hymnal

Representative Text

1- كتِّر أغانيك يا مسافر إحنا ف ترحال
شد الأوتار للصابر خليه مِتشال
خلي الأشواق شغالة والروح شغال
يسند في قلوب الرحالة ويِحيي الأبطال
كتِّر أغانيك يا مسافر إحنا ف ترحال

2- كتر أغانيك يا مهلل بكلام الله
وغني الألحان من نغم الهللويا
اضبط وَتَرك على أصوات الروح في المكتوب
وَحِّد نغمك مع نغمات الشعب المحبوب
كتر أغانيك يا مهلل بكلام الله

3- كتر أغانيك واتكلم اخز الشياطين
الغُنا يصفعهم ويجيبهم عند القدمين
ضرب الأوتار والصقفة وبوق الفرحين
هَتَف الأبرار والكفة عِليِت بآمين
كتر أغانيك واتكلم اخز الشياطين

4- كتر أغانيك يا معلي صوت الإيمان
علّاك الروح اللي محَلّي حب الفرحان
ما أحلى التجميع اللي يخلي كل الإخوان
رافعي أسماء المتَجَلّي ف طيب العُرفان
كتر أغانيك يا معلي صوت الإيمان

5- كتر أغانيك طوِّلها وقول عنه كتير
بالذكر نقصِّر أيامها ويحلى المسير
بتهون الغربة وأتعابها لحظة ما نطير
من عتمتها ومن آلاماتنا لوجهه المنير
كتر أغانيك طوِّلها وقول عنه كتير

6- كتر أغانيك قول هانت جاي ابن الله
أصرخ صحّي في قلوب نامت وهي منتظراه
طوباه الساهر والثابت مستني لُقاه
ويومين ويعدّوا وف التالت هنكون معان
كتر أغانيك قول هانت جاي ابن الله


Source: اصنع بنا نهضتك #861

Author: Maher Fayez ماهر فايز

ماهر فايز Go to person page >

Text Information

First Line: كتر أغانيك يا مسافر إحنا في ترحال
Title: كتر أغانيك
Author: Maher Fayez ماهر فايز
Language: Arabic

Instances

Instances (1 - 1 of 1)
Text

اصنع بنا نهضتك #861

Suggestions or corrections? Contact us



Advertisements


It looks like you are using an ad-blocker. Ad revenue helps keep us running. Please consider white-listing Hymnary.org or subscribing to eliminate ads entirely and help support Hymnary.org.