كل يوم بيعدي

1- كل يوم بيعدي باقول انا بس ليك
وحياتي هتشهد عنك وعيني هتبقى عليك
وآجي وأبص لنفسي واشوف انسان أناني
قلبي مش ملك ليك اديته لحد تاني

القرار-
باحبك يا يسوع خليني اعيش أمين
باحبك يا يسوع انا ليك طول السنين
عايز اقول اني باحبك قلبي بيهتف باحبك
باحبك يا يسوع

2- مرات كتيرة باعيش وبانسى اني ابنك
وامشي ورا اوهام في الدنيا تاخدني منك
ما لقيتش اللي يكفيني واللي يخليني سعيد
لأني في بعدي عنك كنت باعيش وحيد

3- اقبلني يا رب بضعفي مين هيغيرني غيرك
اقبلني يا رب بحيرتي واملاني كمان من خيرك
ومهما ان عشت تايه هآجي وارجعلك تاني
وحتى ان صاح الديك انا هاشهد ع اللي فداني


Source: اصنع بنا نهضتك #288