كل يوم تحت صليبك

1- كل يوم تحت صليبك
كنت بافكر دايما فيك يا ربي وأجي لك
من غير خوف زي أبويا
عن أسراري وعن حكايَتْني هناك باحكي لك
كنت كتير يا ربي بافكر
من دلوقتي وحتى أما أكبر
إني لا يمكن يوم هاتغيَّر
وأنسى صليبك
كنت في قلبي دايما أصلي
يفضل بك فيَّ تملّي
ومافيش حاجة في يوم تمنعني
إني آجي لك وأفضل أحكي لك

2- وأما كبير ناديتك تاني
بس لقيت في إيديّ يا ربي قيود مانعاني
حزن وخوف مالي كياني
سجن خطية وحب وشهوة عالم فاني
وبقيت تاني يا رب بافكر
إمتى أرجع لك وإزّاي هاقدر
أقعد زي ما كنت صُغَيّر
تحت صليبك
وبقيت تاني في قلبي باصلي
إنك تغفر لي وتخلّي
شهوة قلبي وروحي تَملّي
إني آجي لك وأفضل أحكي لك

3- وأما رجعت لقيتك جاني
بين أحضان الآب في الروح فرح يملاني
مسحت دموعي جددت كياني
باعترافات من عمق القلب نَدم جُوّاني
وإزاي بقي يا رب هاكافئك
وعلى غفرانك وعلى رعايتك
هافضل طول الوقت أطاوعك
جّوّه طريقك
ويكون قلبي بيرنم لك
طول العمر هامجد اسمك
أغلى ما عنده بيقدم لك
لما آجي لك وافضل أحكي لك


Source: اصنع بنا نهضتك #724