ما بننساش الإيد الحلوة

قرار:
كل الماضي بيشهد ليك
ولحبك ورعايتك لينا
والحاضر والجاي في ايديك
بالحمد ها يشهد لك فينا

1- ما بننساش الإيد الحلوة
اللي إتمدت وقت الأزمات
ما بننساش ولا يمكن أبدا
راح ننسى تعزياتك في الآلآمات

2- مابننساش النعمة اللي
بترفع وتصون وقت الضعفات
قوة دمك وشفاعتك
والروح يشفع فينا بأنات

3- وفي امراضنا بلمسة بتشفي
صوتك يدي القلب حياة
نبض عروقنا اللي في أجسادنا
يشهد عن إحسان الله

4- يا ما نسينا أمانتك لينا
وخنا القلب اللي ما سابناش
و لما رجعنا في لحظة لقينا
حبك صادق ما بينساش


Source: رنموا للرب #961