من قلبي باهتف وباغني

1) من قلبي باهتف وبغني
وارفع إيدي على لفوقْ
وبصوتي برنم وبنغمْ
وفي قلبي جمرة من الشوق
عايز أسبح عايز أقول
مش قادر أعبر ولا طول
ده سلامه سلام مش معقول
خلاني أرنم على طول
(وبقوله أنا ملك إيديك)

2) بكلمة منه تغير حالي
بلمسة إيده قلبي ارتاح
وجماله سباني وخلاني
أرمي تعبي مع الأتراح
والقاني من غير تحضير
بسجد واخضع للتغيير
وبدمه بنال التبرير
وابقى بنعمة ربي بصير
(وبقوله أنا كلي ليك)


Source: تسابيح المحبة: الاصدار الثالي #771

• MIDI file from تسابيح المحبة: الاصدار الثالي #771