Himnaro (Unua Kolekto) ‎#6

6. VENI CREATOR

Kreinto Sankta, la Spirit'
  Lumigu ĉiun per vizit',
Per ĉielfajro, ni petas Vin,
  Plenigu, Inspiranto, nin.

De Dio estas Vi la don',
  La Font' de vivo kaj admon' ;
Lumigu al la petantar'
  Okulojn blindajn en erar'.

Vizaĝojn, ho, ĝojigu, Di',
  Abunde Via grac' al ni ;
La malamikojn pelu for,
  Kaj donu pacon, ho Sinjor'.

El ambaŭ, kiel unu, Vin
  Kun Patro, Fil', sciigu nin ;
Por ke la tem' sen variant'
  Tra l' aĝoj estu nia kant' :

Laŭdata estu la merito
De l' Patro, Filo kaj Spirito.      Amen.

Text Information

• First Line: Kreinto Sankta, la Spirit'
• Title: VENI CREATOR
• Translator: A. L. Curry
• Language: Esperanto
• Publication Date: 1923
• Source: Himnoj, A. kaj M., 157

Tune Information

(No tune information)