1062 | اصنع بنا نهضتك#1063 | 1064 |
Text: | منتظرك ثبّت خطواتي |
Author: | أمجد سعد |
1- منتظرك ثبّت خطواتي
عمر ما وعدك ليّ خاب
حقك دايما نور لحياتي
قلبي يا ربي في حبك داب
القرار-
أفكارك ليّ سلام
هتشيلني كل الأيام
نفسي أقول لك باحبك
صدقتني عجز الكلام
2- منتظرك راح أشوف أمجادك
تتحقق والحزن يزول
يوم ورا يوم راح أعيش أعيادك
فرحك جوايا على طول
3- منتظرك والرؤيا أمامي
عمر ما عيني عنها تحيد
روحك الصالح ماشي قدامي
بالنصرة ويّا التأييد
4- على المحراث أنا حاطط إيدي
وشعاري مبادئ الملكوت
ويشرفني خدمة سيدي
أنا باقولها بأعلى صوت
5- لا سدوم وعمورة بتحنيني
ولا يبهرني نعيم نُعمان
ده وجودك في حياتي يكفيني
خيرك فايض بيك شبعان
Text Information | |
---|---|
First Line: | منتظرك ثبت خطواتي |
Title: | منتظرك ثبّت خطواتي |
Author: | أمجد سعد |
Refrain First Line: | أفكارك لي سلام |
Language: | Arabic |
Publication Date: | 2013 |