Laudis Corona ‎#54

54. Stabat Mater

1 Stabat Mater doloroso,
Juxta crucem lacrymosa,
Dum pendebat Filius.
Cujus animam gementem,
Contristatam, et dolentem,
Pertransivit gladius.

2 O quam tristis et afflicta
Fuit illa benedicta
Mater Unigeniti!
Que moerebat, et dolebat,
Pia Mater dum videbat
Nati poenas inclyti.

3 Quis est homo, qui non fleret,
Matrem Christi si videret
In tanto supplicio?
Quis non posset contristari,
Christi Matrem contemplari
Dolentem cum Filio?

4 Pro peccatis suae gentis,
Vidit Jesum in tormentis,
Et flagellis subditum,
Vidit suum dulcem Natum
Moriendo, desolatum,
Dum emisit spiritum.

5 Pia Mater, fons amoris,
Me sentire vim doloris,
Fac ut tecum lugeam.
Fac ut ardeat cor meum
In amando Christum Deum,
Ut sibi complaceam.

6 Sancta Mater, istud agas,
Curcifixi fige plagas
Cordi meo valide.
Tui Nati vulnerati,
Tam dignati pro me pati,
Poenas mecum divide.

7 Fac me tecum pie flere,
Crucifixo condolere,
Donec ego vixero.
Justa crucem tecum stare,
Et me tibi sociare,
In plauctu desidero.

Text Information

• First Line: Stabat Mater doloroso
• Title: Stabat Mater
• Language: English
• Publication Date: 1880

Tune Information

• Name: [Stabat Mater doloroso]
• Key: G Major or modal