675 | M. B. Landstads Kirkesalmebog og "Nokre Salmar" ved Professor Dr. E. Blix, samt følgende tillæg#676 | 677 |
Text: | Ein Saamann gjekk og skulde saa |
Author: | Blix |
1 Ein Saamann gjekk og kulde saa
og ventad fager Grøda.
Men ikkje alt fekk Mogning naa
Og giva Korn i Løda.
2 Sumt fall paa Veg, der Fugl det fann,
Og Fesot ned det trødde.
Sumt fall paa Berg, der av det brann,
Daa Sumarsoli glødde.
3 Og sumt imillom Klunger rann,
Og Klungeren det kjøvde.
Men sumt og fall i Aakerland,
Som godt til Grøda høvde.
4 Gud er den Saamann: han sit Ord
I Mannahjartat saadde.
Men der det fann so ymis Jord
Og ulik Vokster naadde.
5 Den eine Ordet høyra fær,
Men av den Vonde dregen
Han strakst det burt i Vedert slær _
So Kornet spillt paa Vegen.
6 Hjaa andre ber det tidleg Brodd,
Men døyr i Freistings Stunder –
Likt Grøda, som for grunnt var saadd
Med harde Berget under.
7 Og andre høyra vel Guds Ord
Med ærleg Hug og Hunger,
Men Lyst til Verdi yver gror
Og kjøver det som Klunger.
8 Men vert det gjøymt i Hjarta godt,
So etter det me liva,
Daa er i fullgod Jord det saatt
Og fager Frukt vil giva.
9 Aa herre, du som Ordet saar,
Du sjølv vaart Hjarta lage,
So det maa giva grorsamt Aar
Og bløma som din Hage!
Text Information | |
---|---|
First Line: | Ein Saamann gjekk og skulde saa |
Author: | Blix |
Language: | Nynorsk |
Publication Date: | 1897 |
Topic: | Salmar til Kyrkjeaaret: Sundag Sexagesima; Hymns for the Church Year: Sexagesima; Søndag Seksagesima: Til Hoimesse(1 more...) |
Notes: | Tone: Og al den Ting, som Gud har gjort (L. 451) |