Go Ad-Free
If you regularly use Hymnary.org, you might benefit from eliminating ads. Consider buying a subscription.
698 | M. B. Landstads Kirkesalmebog og "Nokre Salmar" ved Professor Dr. E. Blix, samt følgende tillæg#699 | 700 |
Text: | Gode Hyrding! Konungs Byrding |
Author: | Blix |
1 Gode Hyrding! Konungs Byrding,
Konungs Byrding du ber med Skil.
Drott utan Like, som fyr dit Rike,
Som fyr ditt Rike læt Livet til!
Gode Hyrding! Konungs Byrding,
Konungs Byrding du der med Skil.
2 Klungerkransad, litet ansad,
Litet ansad vaar Konung er.
Sytrer daa Kongar, prisad af Songar,
Prisad av Songar i Engelher!
Klungerkransad, litet ansad,
Litet ansad vaar Konung er.
3 Stillt han strider, lognt han lider,
Lognt hand lider fyr Misgjerd vaar.
Oss vil han frelsa oss giv han Helsa,
Oss giv han Helsa ved sine Saar.
Stillt han strider, lognt han lider,
Lognt hand lider fyr Misgjerd vaar.
4 Guddoms Gaata! Eg maa graata,
Eg maa graata og grunda stillt.
Frelsaren bløder, saarad fyr Brøder,
Saarad fyr Brøder, som gjorde illt!
Guddoms Gaata! Eg maa graata,
Eg maa graata og grunda stillt.
5 Synd og Naade syna baade,
Syna baade sin Storleik her.
Blod, som maa renna! Lær meg aa kjenna,
Lær meg aa kjenna, kvat Syndi er!
Synd og Naade syna baade,
Syna baade sin Storleik her.
6 Stor var Harmen, Kjærleiks-Varmen,
Kjærleiks-Varmen daa større er.
Harmen han ljonar, Kjærleiken sonar,
Kjærleiken sonar, og Siger fær.
Stor var Harmen, Kjærleiks-Varmen,
Kjærleiks-Varmen daa større er.
7 Jesus bløder, Dropen gløder,
Dropen gløder paa Naadens Stol.
Soning han lagar, Harmen han jagar,
Harmen han jager som Dogg fyr Sol!
Jesus bløder, Dropen gløder,
Dropen gløder paa Naadens Stol.
8 Frelsergrunnen, Helsebrunnen,
Helsebrunne er Kristi Blod.
Sorgi det sløkkjer, Syndi det søkkjer,
Syndi det søkkjer i Naadens Flod.
Frelsergrunnen, Helsebrunnen,
Helsebrunne er Kristi Blod.
9 Takk og Æra fram me bera,
Fram me bera, vaar Hyrding god!
Takk fyr din Kjærleik, Takk fyr den Verdleik,
Takk fyr den Verdleik, du vann med Blod!
Takk og Æra fram me bera,
Fram me bera, vaar Hyrding god!
Text Information | |
---|---|
First Line: | Gode Hyrding! Konungs Byrding |
Author: | Blix |
Language: | Nynorsk |
Publication Date: | 1897 |
Topic: | Salmar til Kyrkjeaaret: Langfredag; Hymns for the Church Year: Good Friday |
Notes: | Tone: Her vil ties, her vil dies (L. 497) |