M. B. Landstads Kirkesalmebog og "Nokre Salmar" ved Professor Dr. E. Blix, samt følgende tillæg ‎#703

703. Ljos yver Grav, Som oss Livsvoni gav

1 Ljos yver Grav,
Som oss Livsvoni gav,
Rann med Guds Son ifraa Daude.
Solrenning klaar
Som den vænaste Vaar
Steig yver Gravstader aude.
Ljoset og Livet fyr alle Mann
Straalande upp med vaar Frelsar rann.

2 Engelen kvad
Yver daudstille Stad:
Krist er med Siger uppstaden!
Sigrande vel
Yver Ormen fraa Hel
Bøtte han Brotet og Skaden.
Syndi er sonad og Saaret grødt,
Livet av Daude er atter født.

3 Kristus stod upp
Som det Livstre i Knupp,
Somi all Æra skal bløma.
Skapande Liv
Han alt Drepande driv,
Dauden fyr honom maa røma.
So ved det Livstre til Herrens Pris
Eingong me livna i Paradis.

4 Menneskjeson,
Du til livande Von
Ved di Uppreisning oss fødde!
Liv gjenom Grav
Ved din Dauade du gav,
Daa fyre BrOder du blødde.
Alle, som livande paa deg tru,
Døyande skal i ditt Ljos faa bu.

5 Trøyst i vaar Trong
Som ein Sumar med Song
Ut fraa din Gravstad lat lysa!
Ævelivs Von
Gjenom Trengsla og Tjon
Lat dine Truande hysa!
So me alt her uti Daudens Land
Smak den Sæla, du til oss vann!

6 Ljos yver Grav,
Fall som Solskin paa Hav,
Naar me fraa Verdi skal fara!
Lys oss i land
Til den livsæle Strand,
Fram til det Liv, som skal vara,
So me ved Ljoset fraa Paaskedag
Sæle kann liva i Englelag!

Text Information

• First Line: Ljos yver Grav, Som oss Livsvoni gav
• Author: Blix
• Language: Nynorsk
• Publication Date: 1897
• Topic: Salmar til Kyrkjeaaret: Paskehelg; Hymns for the Church Year: Easter; Herliggjørelsen; Glorification; Første Paaskedag: Til Ottesang og Høimesse; First Easter Day: High Mass
• Notes: Tone: Du, som gaar ud fra den levende Gud (L. 444)

Tune Information

(No tune information)