M. B. Landstads Kirkesalmebog og "Nokre Salmar" ved Professor Dr. E. Blix, samt følgende tillæg ‎#765

765. Far utor

1 Far utor
Dine Skor!
Her du stender paa heilag Jord:
Her er Staden av herren vard,
Her er Himmelens Fyregard.
Her er Guds,
Her er Guds Kyrkja og Hus.

2 Høgt ho stend,
Vida kjend,
Lyser ut yver laage Grend.
Ho er Varden paa Sions Tind,
Der me skoda i Himmelen inn
Høgt yver
Høgt yver Stodda og Sky

3 Til den Stad
Stemner glad
Herrens Folk i den lange Rad.
Der er midt under Stormen Dus.
Der me høyra den stille Sus
Naar Herrens
Naar Herrens Ande ser ned.

4 Heilag er
Kyrkja her,
Heilag midt i ei syndug Verd.
Sting enn Fienden hennar Hæl:
Gud, som er heilag i Israel,
Han kann og
Han kann og helga si Brud.

5 For Guds Ord
Fagert gror
I den innvigde Kyrkjejord.
Livsens Kjelda med Skirslarbad
Surlar stillt gjenom Herrens Stad,
Anden som
Anden som Duva fer ned.

6 Fram i Kor
Herrens Bord
Stender dukat i Aar som ifjor.
Der me halda fyr Herren Fest,
Der er Syndaren Kristi Gjest,
Hallar seg
Hallar seg upp til hans Brjost.

7 Synd og Naud,
Dom og Daud
Aldri leggja Guds Kyrkja aud.
Ho er Staden paa Berget bygd,
Der ho stender i heilag Trygd
Midt i all
Midt i all Trengsla og Strid.

8 Snart det lid
Til den Tid,
Daa ho heve stridt ut sin Strid,
Daa ho leggja skal Sverd og Skjold,
Daa forklaarad ho gjeng av Mold
Inn til den
Inn til den evige Fred.

9 Sorg og Synd
Der er tynd,
Jesus Kristus til Konung krynd.
Kvar ein Fiend er underlagd,
Kyrkja stender med Sigersbragd
Fram fyre
Fram fyre Lambet og Gud.

Text Information

• First Line: Far utor
• Author: Blix
• Language: Nynorsk
• Publication Date: 1897
• Topic: Helgamessa; High Mass; Salmar til Kyrkjeaaret: 21. Sundag etter Trieinings-Helg; Hymns for the Church Year: Twenty-first Sunday after Trinity Sunday; Alle Helgens Dag: Til Hoimesse; All Saints Day: High Mass
• Notes: Tone: Uforsagt, vær paa Vagt eller denne

Tune Information

• Name: [Far utor]
• Composer: D. M. Brynie
• Key: C Major
• Copyright: Public Domain