TTT-Himnaro Cigneta ‎#111

111. Dum nokt' silenta kantas la ĉiel'

1. Dum nokt' silenta kantas la ĉiel'.
Vekas paŝtistojn vortoj de l' anĝel':
Tuj leviĝu rapideme,
iru rekte Betleĥemon,
Dion vidos vi, Dion vidos vi.

2. Trovis paŝtistoj laŭ anĝela kant'
Lokon naskiĝan de la Di-infan'
kaj adoris Lin bonkore
kiel sian Di-Sinjoron
en la stala trog', en la stala trog'.

3. Kristo, saluton, nia Di-Mesi'!
Milojn da jaroj Vin atendis ni.
Vin profetoj vidi volis,
sed hodiaŭ Vi konsolis
nin per Via ven', nin per Via ven'.

Text Information

• First Line: Dum nokt' silenta kantas la ĉiel'
• Title: Dum nokt' silenta kantas la ĉiel'
• Polish Title: Wśród nocnej ciszy
• Author: Anonima
• Translator: Henryk Paruzel
• Language: Esperanto
• Topic: Christmas
• Source: Ad 227

Tune Information

• Name: WŚRÓD NOCNEJ CISZY
• Collector: Michał Marcin Mioduszewski