TTT-Himnaro Cigneta ‎#115

115. El la oriento venis saĝular'

1. El la oriento venis saĝular'
Al la infaneto, Reĝo de l' homar'.
Ili vidis lumon nokte sur ĉiel':
Venis kondukataj de gvidanta stel'.

2. En humila hejmo ili trovis Lin,
Kaj kun adorado teren klinis sin.
Ho, mirinda lumo, kiu el ĉiel'
Ilin kondukadis: Dia gvida stel'!

3. Nur en fojna trogo kuŝis Vi, Sinjor';
Tamen super ĉio reĝas nun en glor'.
Sed ankoraŭ multaj vivas en malhel':
Ilin ankaŭ lumu Via gvida stel'.

4. Ĉiujn forvagantojn revenigu Vi;
Helpu perdiĝantojn Via lum-radi'.
Al la nesciantoj pri la vivo-cel'
Donu klaran lumon — brilu Via stel'.

5. Tra malluma nokto daŭre gvidu Vi
Per la sava lumo de l' evangeli'.
Voku ĉiun genton hejmen al ĉiel';
Ame kondukadu per gvidanta stel'.

Text Information

• First Line: El la oriento venis saĝular'
• Title: El la oriento venis saĝular'
• English Title: From the Eastern Mountains
• Author: Godfrey Thring (1873)
• Translator: Agnes B. Deans
• Language: Esperanto
• Scripture:
  Matthew 2:1-2
• Topic: Epiphany
• Source: HE 40 = Ad 267

Tune Information

• Name: EVELYNS
• Notes: In addition to EVELYNS and SUTTON VALENCE, "Himnaro Esperanta" suggests two tunes, PRINCETHORPE and KIRKBRADDON, which I do not have.