127. En la vintromezo

1. En la vintromezo
Muĝis frosta vent',
Ter' al fer' ŝanĝiĝis,
Akvo al arĝent';
Neĝo ĉion kovris,
Blankis la kampar',
En la vintromezo
De pasinta jar'.

2. Tutan universon
Kreis Dia man';
Tamen li alprenis
Formon de infan'.
Kuŝis en staltrogo
Ĉe naskiĝa hor'
Dio Ĉiopova,
Kristo, la Sinjor'.

3. Dum anĝeloj sanktaj
Laŭdis super ter',
Kantoj de serafoj
Ŝvebis en aer';
Sube la Patrino,
En animtrankvil',
Donis aman kison
Al la kara fil'.

4. Kion mi donacu,
Kvankam malriĉul'?
Se mi havus gregon,
Ŝafidon sen makul';
Riĉon mi ne havas,
Mankas al mi or'.
Donos mi la eblon —
Amon de la kor'.

Text Information
First Line: En la vintromezo Muĝis frosta vent'
Title: En la vintromezo
English Title: In the Bleak Midwinter
Author: Christina Rossetti (1872?)
Translator: Leonard Ivor Gentle
Publication Date: 2009
Topic: Christmas
Source: HE 33 = EH 23
Language: Esperanto
Tune Information
Name: CRANHAM
Composer: Gustav Theodore Holst (1906)



Media
MIDI file: Cranham (eo)
More media are available on the tune authority page.




Advertisements