185. Ho Patro, dum mallernas ni

1. Ho Patro, dum mallernas ni
La dogmojn de erar',
En flam' de fid' Vin montru Vi
Sur ĉiu sankt-altar'.

2. Vizaĝon Vian vidos ni
Ne per la fulm-koler';
Per stel' de l' Am' nin gvidu Vi
Ĉielen de la ter'.

3. La Majstran volon helpu nin
Tralegi tra makul'
Sur lia bild', kaj vidi lin
Per la anim-okul':

4. La frat-amikon de l' homar'
Petanta en dolor'
Pardonon por malamikar'
En lia morta hor'.

5. Se inter ventoj de dubad'
Eksvenos nia kor',
La forton por la batalad'
Vi donos, ho Sinjor'.

6. Pardonu pekojn niajn, ni
Petegas, ho Sinjor';
Nin partopreni helpu Vi
En alta viv-labor'.

Text Information
First Line: Ho Patro, dum mallernas ni
Title: Ho Patro, dum mallernas ni
English Title: Our Father, while our hearts unlearn (The Gathering Storms of Doubt)
Author: Oliver Wendell Holmes (1809-1894)
Translator: E. K. Osmotherly
Publication Date: 2009
Topic: God's Help
Source: LH 2
Language: Esperanto
Tune Information
Name: ST. ANNE
Composer (attributed to): William Croft (1708)



Media
MIDI file: St. Anne
More media are available on the tune authority page.




Advertisements