211. Hosana, Hosanega!

1. "Hosana, Hosanega!" laŭtkantas infanar';
Tra templo kaj tra kortoj resonas laŭd-deklar'.
Ĉar Jesuo ilin benis per amega ĉirkaŭprem',
Laŭdkantas la infanoj pro simpla respondem'.

2. De l' Olivmonto buboj lin sekvas en amas',
Kaj palmajn branĉojn svingas kun ĝoj' ĉe lia pas'.
Adorato de l' anĝeloj en humilo rajdas plu:
De l' dorso de azeno salutas jen Jesu'.

3. "Hosana en plejalto!" — antikvas nia kant' —
"Ni vin salutas, Kristo, kaj laŭdas, ho Savant'!
Ja eterne vin laŭdados niaj voĉo, vivo, kor':
'Hosana!' Ni ĝojegos senfine en ador'!"

Text Information
First Line: "Hosana, Hosanega!" laŭtkantas infanar';
Title: Hosana, Hosanega!
English Title: Hosanna, Loud Hosanna
Author: Jeannette Threlfall (1873)
Translator: Ros' Haruo (1997)
Publication Date: 2009
Topic: Palm Sunday
Source: HK
Language: Esperanto
Tune Information
Name: ELLACOMBE
Composer: Anonima
Source: first appeared in Gesangbuch der herzoglichen Wirtembergischen katholischen Hofkapelle, 1784



Media
MIDI file: Ellacombe
More media are available on the tune authority page.




Advertisements