TTT-Himnaro Cigneta ‎#33a

33a. Amo perfekta, super hom-pensado

1. Amo perfekta, super hom-pensado!
Ĉe via tron' humile preĝas ni:
Restu senfine amo kaj benado
Al ambaŭ kunigitaj nun de vi.

2. Ĝoje kunvivu ili sur la tero;
Benu al ili amo kaj fidel';
Ilin inspiru fido kaj espero;
Brave kuniru ili al la cel'.

3. Venku doloron via sankta ĝojo,
Brilu sur ilin via paco-stel';
Estu por ili post la monda vojo
Amo kaj viv' eternaj en ĉiel'.

Text Information

• First Line: Amo perfekta, super hom-pensado
• Author: Dorothy Frances Blomfield Gurney (1883)
• Translator: Agnes Burton Deans
• Topic: Marriage

Tune Information

• Name: STRENGTH AND STAY
• Composer: John Bacchus Dykes (1875)